Lesergedicht: Dank an einen hilfsbereiten Autofahrer

„Es is scho guat drei Wocha her, da triafft mi am Sunda a Malheur. In Frangaburg an Hausruck zua cirka ban Friedhof in da Fruah, ‚‘sis zuaganga ganz narrisch bled, a Patsch’n wo da d’Luft ausgeht. Reserveradl gibt’s koans mehr, iazt steh i do, es geht nix mehr.

Autstopp kunnt a Hülfe sei, also geh iz‘Fuaß in Marktplatz nei, und suach mei Glück Richtung Schloss Frein, da zweiti der da aussi fahrt  bleibt steh den tua i vielleicht load. Er mocht di Tür auf und sagt glei, steig ei i hab grad a wengerl frei.

I frog‘n glei wohin er fohrt, i han a Malheur ghat tuat ma load, in Vöcklamark hätt i an Summareifm den brauchat i, leicht zon begreif’m.  Der losst eahm gar net lang schö toa, so a Glück im Unglück in da Würfelöspügmoa, dan frog i nu amol neugierig  wia i bi, aber wo fahrst den du eigentli iazt  hi, ja  zon Bäcka wann i’n recht vasteh  um Kipferl und Semmi für‘n Kaffee.

I han ghofft auf oan der weita fahrt und der mi aussteig’n lasst dahoam. Dann hätt i aber an neuch‘n braucht, jo mir hot direkt s’Hirn sch g’raucht, mit’n Roafn und min Wag’nheber, da nimmt di net glei mit a jeda. Jo sagt  da freundliche Chauffeur i fohr do eh dö gleiche Tour auf Frangaburg wieda retour, da nehma ma dös Zeug olls mit und i woaß bis heut nu nit, wia der Straßn kavalier denn wirkli hoaßt, dös is sei Bier. Jo dahoam und dös wor olls, da sag’n s zu mir da „ Zippm Lois“. Hintern Würfelspü-gelände ob’m am Berg durt is sei‘ Ende. Er hülft ma nu schnö Radl tauschn, am Handy ruaft sei Frau sie treibt, wo er denn heut grad so lang bleibt.

Er sagt zu ihr: I bin jo eh glei wieda do, lasst sie koa Geld gebm und fahrt ob. Dös is koa Märchen, es gibt so Leit in unserer schnellebig’n Zeit, und we‘g’n den is dös Gedicht so lang, es is für‘n Zippm Lois mei Dank.“

Hans Nußbaumer