Lesergedicht: d'Muata

D'Muatta

Wirst Muatta übafoillt di s`Glück wia a Schwall,

d`Gefühle foahrn mit dir Berg und Tal.

Dei Mann stroihlt di an, weil er sie so gfreid

„mia san iatzt Familie!“ vakünd er de Leit.

Unsa Liab hat an Nam kriagt, de Freid is so groß

a kloans Binkal Mensch, liegt da in dein Schoß.

Bist s“erste Mal Muatta wirst gfordert a glei

,so a Zwerg der kann schrei a scheane Weil“.

Macht d“Nacht dir zan Tag und am Tag bist saumiad

a Muatta hoilts aus, de Zeit eh vafliagt.

Es gibt vü zan lerna fiar d“Muatta und s“Kind

zoagst eah amoil s“Krabbln, dann rennans scho gschwind.

Vawörtans de Buchstabm, bringans oills durchanand,

d“Muatta vastehts und nimmts bei da Hand.

Wia oft hat se“s gschmissn und lautstark da Schmerz dann,

wann`s in da Schuil amoil ned passt, wer muaß zan Klassenvorstand?

D“Muatta tuat“s richtn, trestn(trösten) oda a bunt“s Pflaster drauf,

a feste Umarmung und de Tränen hearn auf.

A schware Zeit ned nur fiar“s Kind is d“Pubertät,

da huilft da Muatta dann nur s“Gebet.

Da gibt“s oft Gschichtn und es brennt da Huat,

oba d“Familie hoit zsamm und so wiads wieda guat.

San“s dann erwachsn, ziagn fuat von Dahoam

da nimmt dann da Vata de Muatta in Arm,

schaun hi auf d“Kinda, se ham eah oills gebm

,san orndle (ordentlich) woarn und stengan mit zwoa Fiass im Lebm.

Und derfns dann bald a scho Großeltern werdn,

sagt d“Muatta „mir habm iatzt en Himmö auf Erdn.

„Unbeschreible des Gfühl, wann so was gschiacht

und d“Muatta oafach Großmuatta wird.

Wann d“ Sunn obascheint is Lebm warm und so schean,

do wann d“Wolkn aufziaghn und Oana muass gehn,

wann d“Muatta da schwach wird und kann nix mehr sagn,

da braucht“s dann de Kinda, de ihr helfn beim Tragn.

Lesergedicht von Ingeborg Huemer, Meggenhofen