Texte für Mundartbuch gesucht: Lustig muas's sei!

Wer möchte, kann dafür ab sofort auch seine eigenen Geschichten zum Thema „Da Franz, da Hans und da Sepp!“ einsenden. Die Anekdoten sollen den Leser zum Schmunzeln bringen oder auch auf humorvolle Weise mahnen. Einzig jemanden bloßzustellen soll nicht das Ziel der Geschichten sein.

Der „Drucker-Franzl“ beispielsweise hat eine ganz besondere Anekdote aus dem Fundus ausgegraben und für das Buch zur Verfügung gestellt. Diese wollen wir euch nicht vorenthalten!

Landeshauptmann Seppn

Landauf landab gibts Seppn gmua

Landeshauptleut ghörn da a dazua.

Da Ratzi bis e d`Neunzger woar,

da Pühres bis ins 17er Joahr.

Glebt hams eana Lebtag alle zwee

für Oberösterreich und d`ÖVP.

vü hams `tan, grennt für d`Leut,

dös woar eana greßte Freud.

Jedn Sunda hats wo an Auftritt gebn,

is scho anstrengend so a politischs Lebn.

De mehra Weil woars a wirkli recht sche,

aber allweil kanns halt do net guat geh.

En Josef I. ham amal zritt a paar Buam

heoh obm unterm Ameisbergturm.

Gwen is ban Ameisbergfest siebzig und acht

wias folgenden Unfug habm gmacht:

Angruckt hans mit da Schnupfmaschin,

die war voll mit schwarzn Tobak drin.

Sie habm eam zoagt wia des geht,

es wa ja des Oafachste der Welt.

Brauchst neta einiblasn e des Loch,

scho fliagt da Tobak in da Nasn hoch.

Jeda hat eams vorgmacht, wia praktisch des is.

Und da Sepp hats probiert – und bereut a gewiss!

Zack, de ganz Ladung schiaßt eam mittn ins Gsicht,

hiaz habn eahm de Sakra des Gstell anderst eigricht!

Da sagn`s nu a, de Buam, es wa nix daba,

ja, so habm d`Mollmasreither glegt den LH!

Schnell han`s weg gwen de Gfrieser,

gute Miene zum bösen Spiel war hiaz Ratzis Devise.

Einer der Übeltäter war a a Sepp,

manchmal reimt se halt do af Sepp – … !