Lesergedicht zur Adventzeit

Wunschlos und z'fried'n

Es is wieda amoi so weit,da Advent klopft ån, die „stille Zeit“. Zum Erledign gibt's då nu ganz vü, ma woas net, wos ma schenga wü.

An Schmuck, a Handy oder do a Gwånd, a Reise und sonst nu ållahånd.Im Radio, da hert ma's schon red'n, bei da Schpüsåch wird's an Engpåss geb'n.

Doch måch ma uns då goar nix draus – håt eh a jeder z'vü im Haus. Måch ma an Advent amoi zur stillen Zeit, des wa wos Schens für ålle Leit.

Kånn's denn nu wos Bessas geb'n?Zaumsitz'n und mitanånder red'n! A Glaserl Punsch und Keks zum Essen, und d'Hektik amoi gånz vergess'n.

Wunschlos und z'fried'n sein …… und die stille Zeit kehrt bei uns ein.

Kreative Köpfe, die ebenfalls ein Gedicht getextet haben und es mit den Tips-Lesern teilen möchten, können dieses zusammen mit ihrem Namen, ihrem Wohnort und dem Betreff „Lesergedicht“ an die E-Mail-Adresse e.auinger@tips.at senden.