Lesergedicht: "Da Feuwehra"

„Da Feuwehra“

Da Feuwehra, wonn ma bedenkt

der löscht des Fei

wonns wo recht brennt

is wo a Unfoi, wer zum Berg'n

tuast von da Feuerwehr nur hean

rutscht wo a Berghong oda Mur

de Feuerwehra hoidn's dazua

und wonn anmoi des Wossa kimmt

dass scho in d'Häusa eini rinnt

is in da Not wo Viech und Leit

da Feuwehra hüft jedazeit!

Es gabat jo nu sovü Socha

wos a Feuwehra tuat mocha

zu jeda Nocht- und Togeszeit

is zum Höfa er bereit

es mocht a koana draus a Kris

weis für eah söbstvaständlich is

und drum is des nia vakehrt

wonn ma so Leit oft monchmoi ehrt

wos de leist'n und ertrog'n

do konnst nur a grosses Danke sog'n!