Lesergedicht: "Des Liacht vo da Kiazn"

„A Kiaz“n is waun mas so recht betrocht, firs Stü und Stad wern eigentlich gmocht.

Vor 70 Johrn hot d`Kirzn bei da Oabeit gleicht, da Schein hot wirkli net weit greicht. Mei Muatta hot dabei gnaht und gstickt, und dabei de Hosen vom Vota gflickt.

Oba heit gibt“s Kiazn in olle Foam, se san jo a richtigs Schmuckstickl woan.

Hiazt gibt sas in groß, kloa, dick und dinn, und d“ Leit stöhns in da Wohnung übaroi hin.

De vier Kiazn am Advenkraunz woilln uns sovül sogn, das mas Worten aufs Christkindl leichta datrogn.

De Atmosphäre zu Weihnochtn mochen de Kiazn sche, ma kau vo de Kiaznstandln fost net varüba geh.

Schaust oana Kiaznflaumme so richtig zua, do übakimmt di a wundabore, sölige Ruah.

Drum los mas Liacht in unsan Herzn brennan, das de hektischen Leit aufhern so zan rennan.

Drum scheng i eich sümbolisch a wormes Licht, zua Erinnarung aun des Kiazengedicht!“